— Стоит задача «оживить» Коложский парк, но должны быть частные инвестиции. Планируем организовать парковую зону на Курчатова. В Пышках думаем установить примерно два десятка силовых тренажеров. Одна крупная компания выразила желание поучаствовать в финансировании площадки для воркаута, где любителям можно будет заниматься силовыми видами спорта на улице, — расказаў мэр.
Нагадаем, што ў парку Пышкі ўжо ідзе пабудова новага парка для актыўнага адпачынку і спорта.
Фотофакт: в Пышках появится парк для активного и спокойного отдыха
Што да амерыканскіх горак, то аб планах па іх усталяванні казалі вясной гэтага года. Тады гродзенцам прапанавалі два новыя атракцыёны ў парку Жылібера - электрамабіль Rolls-Royce і атракцыён «Моўшн сфера» у 5D. Сезон 2016 года плануюць адзначыць з'яўленнем у парку кампактнага варыянту "Дзікага цягніка", разлічанага на 14 чалавек.
Пра тое, што такое "абнаўленне паркаў па-гарадзенску" і наколькі сумяшчальныя амерыканскія горкі з батанічным садам, мы папрасілі расказаць гісторыка архітэктуры і грамадскага актывіста Ігара Лапеху.
- Парк Жылібера цяжка назваць паркам, гэта хутчэй сквер, - падзяліўся сваім меркаваннем Ігар. - Падчас яго "капрамонту" ён быў знішчаны працэнтаў на 40, таму што калі мяняўся газон, рабіліся бетонныя дарожкі, была знішчана карнявая сістэма ясеняў, пасаджаных у міжваенны перыяд. Ясені сталі засыхаць, гэты працэс амаль скончаны. Старых ясеняў у парку не засталося. Засыхаюць вельмі прыгожыя каштаны, якія не лечацца ад мініруючай молі. У мяне яны ўсе падлічаны: з даваенных каштанаў у парку засталося толькі тры, але яны, я думаю, будуць спілены праз год-два, бо не выжывуць. Амерыканскія горкі - гэта смерць парку зусім. Па-першае, там няма месца, дзе можна паставіць амерыканскія горкі. Па-другое, парк - гэта нейкае зацішнае месца. Парк атракцыёнаў, як, напрыклад, Тывалі ў цэнтры Капенгагена, не будзе паркам у нашым уяўленні, садам. Машынны парк таксама называецца паркам, але гэта гараж, дзе не будзе ніводнага дрэва. Тое самае фактычна і тут. Парк Жылібера і парк атракцыёнаў - абсалютна несумяшчальныя рэчы. Маё ўяўленне адносна парка Жылібера - гэта ўнутраны ўніверсітэцкі двор, дзе не павінна быць ніякіх атракцыёнаў. Там павінны быць помнікі відным дзеячам Гродзеншчыны і велізарная батанічная калекцыя. Яе можна стварыць. З тэхнічных пабудоў там можа быць аранжарэя. Тым больш гэта ўнутраны двор двух універсітэтаў - аграрнага і Янкі Купалы.
Мы пацікавіліся, ці рэальна грамадскасці паўплываць на адкрыццё ў горадзе новых паркавых зон. Па словах Ігара Лапехі, паводле генеральнага плана ў даліне ракі Гараднічанка на тэрыторыі паміж вуліцай Каханоўскага і чыгуначнай станцыяй павінен быць парк ужо гадоў 15. У выніку гэта не парк, а стаянка, магістраль другога кальца, рэшткі забудовы пачатку 20 стагоддзя - і ўсё. Парка там няма. А па генеральным плане - павінен быць. Грамадскія слуханні праводзіліся пару раз, кажа гісторык, але "паспяхова" былі зачыненыя, бо грамадскасць хоча дрэвы, а горад хоча іншыя аб'екты замест дрэваў.
- Менавіта паркі трэба рабіць пры праектаванні мікрараёнаў, а не аўтастаянкі, - лічыць Ігар. - Двары ў сучасных раёнах абсалютна голыя, або пераўтвораныя ў паркоўкі. Дзеці не могуць нармальна гуляць у дварах, бо ўвесь час павінны асцерагацца аўтамабіляў. З-за гэтага дзеці цяпер нервовыя, несканцэнтраваныя. Яркі прыклад непрадуманага праекту - Альшанка. Там ёсць невялікі лапік сасонніка, які пры забудове пакінулі, капітальна павырубаўшы і паклаўшы там плітку - і гэта адзін невялікі прадуваны вятрамі сквер на абслугоўванне цэлага раёна.
Мы спыталіся ў гродзенскага гісторыка Андрэя Вашкевіча, якой ён бачыць канцэпцыю абнаўлення Каложскага парку.
- Каложскі парк павінен застацца зялёнай, спакойнай зонай без усякіх дадатковых атракцыёнаў, - упэўнены навуковец. - Акрамя таго, канешне, было б добра, каб там былі праведзены археалагічныя раскопкі.
Гродзенскія гісторыкі лічаць, што паркі павінны быць зялёнай спакойнай зонай без атракцыёнаў. А што думаеце пра зялёныя зоны ў горадзе вы?